Skráning á vörum

Þegar þú hefur skráð þig inn á “Mínar Síður” á hringekjan.is getur þú skráð þínar vörur og verðlagt þær. Það er gert með því að smella á “vörur” og svo “bæta við vöru”.  

Þar skráir þú inn greinagóða lýsingu á vörunni eins og “Hvít All Saints Peysa” eða “Svartir Dr. Marteins Skór”, Stærð, númer á sölurými og verðleggur.

 

Upphaf leigutímabils

Athugið að ef rýmið þitt er ekki sett upp innan þriggja daga frá því að leiga hefst áskiljum við okkur þann rétt að setja rýmið aftur í sölu. 

 

Uppsetning

Þú mætir í verslun okkar að Þórunnartúni 2. Klukkan 11:00 þann 28/04/2025  

 

Við komuna

Við komuna afhentum við þér merkispjöld með álímdum verðmiðum fyrir vörurnar þínar ásamt merkibyssu og þjófavörnum.

Hámarks fjöldi vara 60

Þú mátt koma með allt að 60 vörur í einu. Sláinn þín tekur um 25-30 vörur í einu og um 25-30 í lagerkassa. Pláss er fyrir 2-3 pör af skóm á hillu fyrir ofan eða 2-3 töskur.

Áfyllingar á lager kassa

Þér er velkomið að fylla á lager kassann þinn hvenær sem er á milli klukkan 12 - 17 á virkum dögum og 12 - 16 á laugardögum meðan á leigutímabili stendur.

Fyrir komuna til okkar þarft þú að hafa skráð inn vörurnar og verðlagt þær á Mínum síðum.

Þjófavarnir

Þú átt kost á því að fá Þjófavarnir fyrir allar þínar vörur en það er á þína ábyrgð að koma þeim fyrir og mælum við með að gera það við allar vörur.

 

Skráning á bankaupplýsingum

Til þess að við getum greitt þér út þinn söluhagnað verður þú að skrá inn bankaupplýsingar.

Þú skráir inn Bankaupplýsingar með því að fara inn á “ Mínar síður ” og smella á “ Prófíll ”.

Við leggjum inn þinn söluhagnað að frádregni söluþóknun okkar (30%) eftir að leigu líkur og búið er að sækja óseldar vörur. Útborgun er á Mánudags- og Fimmtudagskvöldum.

Athugaðu að ekki er hægt að greiða út söluhagnað fyrr en þessar upplýsingar hafa verið skráðar inn

 

Myndatökur

Við hvetjum seljendur til að taka myndir af sem flestum vörum og deila þeim inn á sölusíðu okkar á Facebook "Hringekjan - Vörur í hringrás" til þess að auka sýnileika sinna vara. Vörur birtast einnig með mynd á heimasíðu okkar Hringekjan.is undir “Vörur í hringrás”

 

Þínar sölur

Inni á Mínum síðum á hringekjan.is undir Mælaborð finnur þú sölu yfirlit úr þínu sölurými. Sölur birtast þar í rauntíma. 

 

Verðbreytingar og afsláttur af bás

Þér er frjálst að gera verðbreytingar á vöru hvenær sem er á meðan leigutímabili þínu stendur. Þú framkvæmir verðbreytingar með því að fara inn á "Mínar Síður" á hringekjan.is, ferð í vörur og velur þá vöru sem þú ætlar að breyta verðinu á. 

ATH varan selst alltaf á því verði sem hún er merkt á og því nauðsynlegt að mæta og endurmerkja ef um verðbreytingu er að ræða. 

Kjósir þú að gefa afslátt af þínum vörum á meðan leigutímabili stendur er best að hafa samband við okkur í gegnum netfangið verslun@hringekjan.is og láta okkur vita og við munum ganga frá því fyrir þig.

Ef þú ert með vöru sem þú vilt ekki setja á afslátt er þér frjálst að taka hana úr sölu áður en afsláttur er settur á.

 

Lok leigutímabils

Í lok leigutímabils tökum við alla miða og þjófavarnir af þínum flíkum og höfum tilbúið fyrir þig í poka til að sækja.

Þú mætir í verslun okkar að Þórunnartúni 2 kl 11:00 daginn eftir að leigu tímabili lýkur en ATH. verslunin er lokuð á sunnudögum.

Ef vörur eru enn ósóttar við lok dags leggst 2.000kr geymslugjald næsta dag og fyrir hvern dag eftir það.

Geymslugjald er greitt í afgreiðslu þegar óseldar vörur eru sóttar.

 

 

Velkomin í samfélagið – og takk fyrir að taka þátt í því að lengja líftíma fatnaðar með okkur 

Kær kveðja,
Teymið í Hringekjunni