Hringekjan er leigufélag sem leigir út verslunarrými í skammtímaleigu til sölu á notuðum fatnaði og fylgihlutum til viðskiptavina sinna.

Hvert sölurými í verslun er 2m² að stærð og samanstendur af fataslá og hillu og afnot af sameign. Þar að auki fær leigutaki afnot af kassa sem er 55x31x33 cm að stærð (56L) fyrir þann fatnað sem ekki kemst fyrir á slánni. Kassinn er geymdur á lager og starfsmenn Hringekjunnar sjá til þess að fylla á slána þegar þess er þörf.

Miðað er við að hvert sölurými í verslun, auk geymslukassans, rúmi um 60 vörur í senn, þar af um 30 flíkur á slá. Leigutaka er velkomið að fylla á kassann á meðan á leigutímabil stendur.

Lúxusleiðin er einnig í boði fyrir söluaðila sem vilja samsett leigurými (netsölurými og sölurými í verslun) með viðbótarþjónustu.

Hvert netsölurými felur í sér kassa að stærð 31x55x33 cm fyrir vörur sem verða settar í netsölu á hringekjan.is. Hringekjan sér um geymslu, myndatöku og afhendingu á vörunum. Miðað er við að hvert netsölurými rúmi að hámarki 15 vörur í senn og sjá starfsmenn Hringekjunnar um að uppfæra myndir á þeim vörum sem fara í netsölu í upphafi leigutímabilsins með Lúxus leiðinni.

Miðað er við að í lúxusleiðinni rúmist að hámarki 15 eða 30 vörur í netsölu á hringekjan.is (verðlagðar á 5.000 kr eða meira) fyrstu 28 daga leigutímabilsins , eftir því hvorn möguleikan þú bókar. Að því loknu hefst leiga í verslunarrými þar sem miðað er við 20 vörur á gólfi í senn og 20 vörur í lagerkassa til áfyllingar.

Leigutaka er velkomið að fylla á vörur eftir að leiga á sölurými í verslun hefst, en uppfærðar myndir og verðmat eru einungis innifalin á fyrstu 15 vörunum við upphaf leigutímabils í lúxusleiðinni.

 

 

Hvert verslunarrými leigist út í viku í senn. Mögulegt er að leigja verslunarrými í allt að fjórar samfelldar vikur. Ekki er boðið upp á framlengingar en ef leigutaki vill lengja leigutímabil sitt þarf að Bóka sölurýmið aftur á hringekjan.is

Leiguverð verslunarrýmis samanstendur annars vegar af eingreiðslugjaldi sem greitt er fyrir upphaf leigutímabils og hins vegar hlutdeild í innkomu leigutaka vegna sölu vara hans á leigutímabilinu. Hið síðarnefnda er haldið eftir við útborgun til leigutaka og telst þar með uppgert.

Eingreiðslugjaldið og hlutfall hlutdeildar í innkomu leigutaka fer eftir verðskrá eins og hún er kynnt á heimasíðu Hringekjunnar hverju sinni. Hringekjan áskilur sér rétt til að breyta verðskrá sinni án fyrirvara. Þó tækju slíkar breytingar ekki til verslunarrýma sem þegar eru í útleigu.

Lúxus leiðin er í boði fyrir söluaðila sem vilja nýta samsett leigurými (netsölurými og sölurými í verslun) með viðbótarþjónustu.

Leigutími í Lúxus leiðinni er annað hvort 44 dagar eða 58 dagar í senn. Leigutímabilið samanstendur af 28 dögum í netsölurými og 14 eða 28 dögum í sölurými í verslun, auk 2 daga sem fara í undirbúning og uppfærslu mynda hjá Hringekjunni í upphafi leigutímabilsins.

Leiguverð Lúxusleiðarinnar samanstendur annars vegar af eingreiðslugjaldi sem greitt er fyrir upphaf leigutímabils og hins vegar af hlutdeild í innkomu leigutaka vegna sölu vara hans á leigutímabilinu. Hið síðarnefnda er haldið eftir við útborgun til leigutaka og telst þar með uppgert.

Eingreiðslugjaldið og hlutfall hlutdeildar í innkomu leigutaka fer eftir verðskrá eins og hún er kynnt á heimasíðu Hringekjunnar hverju sinni. Hringekjan áskilur sér rétt til að breyta verðskrá sinni án fyrirvara. Þó taka slíkar breytingar ekki til Lúxus leiða sem þegar eru í útleigu.

Bókanir fara eingöngu fram á hringekjan.is

Ef einhver vandamál koma upp við bókun í gegnum heimasíðu er best að nota spjall blöðru neðst til hægri á hringekjan.is annars má senda tölvupóst á verslun@hringekjan.is fyrir verslunarrými eða netsala@hringekjan.is fyrir Lúxus leiðina.

Til þess að eiga rétt á endurgreiðslu þarf afbókun að berast með a.m.k. 14 daga fyrirvara og miðast það við fyrsta dag leigutímabils.

Leigutaki sér um uppsetningu á sínu sölurými í verslun. Uppsetning fer þannig fram að leigutaki mætir í verslunina klukkustund fyrir opnun daginn sem leigutímabil hefst eða klukkan 11.00 (kl 12:00 á sunnudögum). Nauðsynlegt er að búið sé að skrá allan fatnað með góðri lýsingu og verði inni á "Mínum síðum" á hringekjan.is. Hringekjan útvegar leigutaka herðatré, merkibyssu og miða, auk þjófavarna til afnota á meðan á leigutímabili stendur.

Leigutaki fær afnot af þjófavörnum en ber sjálfur ábyrgð á að óska eftir þeim og áfesta þær á sínar vörur.

Athugið að ef rýmið þitt er ekki sett upp innan þriggja daga frá því að leiga hefst áskiljum við okkur þann rétt að setja rýmið aftur í sölu.

 

Uppsetning - Lúxus leiðin

Leigutaki fær aðgang að „Mínum síðum“ á hringekjan.is, þar sem hann skráir inn vörur sem eiga að fara bæði í netsölu og verslunarrými.

Fyrir netsöluhluta Lúxus leiðarinnar þarf að skrá inn allt að 15 vörur eða 30 vörur (eftir því hvort þú bókaðir fyrir hámark 15 eða 30 vörur). Vörurnar skulu afhentar í merktum poka með nafni leigutaka og númeri netsölurýmis áður en leigutímabil hefst. Hringekjan sér um uppfærða myndatöku, frekari skráningu, geymslu og afhendingu.

Fyrir verslunarhluta Lúxus leiðarinnar eru þær vörur sem hafa verið í netsölu færðar yfir á slánna í verslun af starfmönnum Hringekjunnar þegar verslunarleigan hefst. Að auki getur leigutaki komið með vörur til viðbótar til áfyllingar, en við miðum við hámark 40 vörur í senn. Leigutaki mætir í verslunina til að ganga frá sínum vörum til áfyllingar eftir að leiga á sölurými í verslun hefst.

Hringekjan útvegar leigutaka herðatré, merkibyssu og miða, auk þjófavarna til afnota. Leigutaki ber ábyrgð á að óska eftir þjófavörnum og festa þær á sínar vörur.

Óski leigutaki að breyta verði á vöru eða vörum á meðan á leigutímabili stendur hefur hann kost á að koma í verslunina á opnunartíma hennar til þess að prenta út nýja verðmiða og koma þeim fyrir á tilteknum vörum. Verðmiði á vöru er alltaf gildandi þar til búið er að koma í verslun og setja á nýjann verðmiða á.

Fyrir Lúxusleiðina er ekki gert ráð fyrir að leigutaki breyti sjálfur verði í netsölu. Ef leigutaki óskar eftir afslætti á sínum vörum í netsölunni getur hann haft samband við Hringekjuna á netsala@hringekjan.is eða verslun@hringekjan.is og óskað eftir að afsláttur (15%–70%) verði settur á vörurnar.

Að leigutímabili loknu hefur leigutaki til klukkan 12.00 að hádegi næsta dag til að sækja vörur sínar. Séu þær ekki sóttar innan þess dags tekur við geymslugjald næsta dag að upphæð 2.000 krónur á dag, í allt að 7 daga. Geymslugjaldið greiðist eftir að vörur hafa verið sóttar. Eftir 7 daga geymslutímabili loknu teljast vörurnar vera eign Hringekjunnar og verður séð til þess að þær verði endurnýttar eftir fremsta megni.

Verslunin er vöktuð með öryggismyndavélum og starfsmenn Hringekjunnar eru almennt vakandi fyrir búðarþjófnaði.

Hringekjan ber ekki ábyrgð á stolnum, týndum né eyðilögðum vörum. Í tilfelli af eldsvoða og vatnsskaða er Hringekjan ekki bótaskyld. Innbústrygging leigutaka kann hins vegar að taka til slíks tjóns en það er alfarið í þeirra höndum að kynna sér það.

Hringekjan áskilur sér rétt að hafna uppsetningu á vörum sem starfsfólk telur ekki mæta gæðakröfum þjónustunnar. Gæðakröfur eiga við ástand vöru, hvort varan sé hrein, hvort tiltekin vara sé heilleg, götótt eða ónýt, eða gölluð að einhverju leyti.

Ekki er heimilt að selja leyfisskyldar, ólöglegar, falsaðar, eða skaðlegar vörur í Hringekjunni. Tóbak, vörur sem innihalda nikótín, áfengi, matvara, vopn, flugeldar, klámfengið efni eða aðrar vörur sem starfsmenn Hringekjunnar telja ekki við hæfi verða umsvifalaust fjarlægðar.

Leiguþjónusta Hringekjunnar er gerð í þeim tilgangi að styðja við lausn fyrir einstaklinga að koma notuðum fatnaði í farveg. Innan þjónustunnar er ekki heimilt að selja vörur keyptar í þeim tilgangi að endurselja þær. Einnig er viðskiptavinum með öllu óheimilt að selja vörur úr annars konar verslunarrekstri undir eigin nafni, en slík viðskipti heyra undir aðrar reglur en notaður fatnaður frá einstaklingum. Verði viðskiptavinur uppvís að slíku verður samningi hans rift og sölurými tæmt án endurgreiðslu á leiguverði.