Takk fyrir að bóka Lúxus leiðina - samsett leigurými með viðbótarþjónustu. Vinsamlegast lestu þennan póst vel til að skilja hvernig ferlið á samsettu leigurými virkar. 

Þú hefur nú þegar valið þér Netrýmis númer við bókun á Lúxus leiðinni en við komum til með að senda þér tölvupóst með númeri þínu á sölurými í verslun innan 2 virkra daga. Þú getur ekki byrjað að skrá vörur inn í sölurými í verslun fyrr en þú hefur fengið úthlutað sölurýmisnúmeri, en þú getur byrjað að skrá inn vörur í netrýmið strax. 

Nú getur þú hafið skráningu á þínum vörum inn í sölukerfið okkar.

 

Verð og vörufjöldi

Í netsölrými er miðað við hámark 15 vörur í senn eða 30 vörur í senn eftir því hvorn möguleikann þú bókaðir.

Í sölurými í verslun er miðað við um 20 vörur í senn og 20 vörur í lagerkassa til áfyllingar.

ATH Þér er velkomið að fylla á sölurýmið þitt hvenær sem er á meðan leigutímabili stendur í verslun en uppfærðar myndir og yfirferð á verðum er ekki innifalið eftir að leiga á sölurými í verslun hefst. Við mælum þó alltaf með að taka myndir af vörum með skráningum til að auka söluna.

 

Skráning vara í netsölurými

Farðu á Mitt svæði> Vörur > Bæta við vöru.

Skráðu lýsingu (t.d. “Svart COS pils”), verð ,bættu við mynd og veldu bókun (netrými nr #)

Skráðu inn hámark 15 vörur eða 30 vörur fyrir netsölurýmið, eftir því hvorn möguleikann þú bókaðir ( þetta eru vörur sem fara í netsölu fyrstu 28 daga af leigutímabili )

Gott er að setja eina mynd með hverri vöru – við tökum síðan nýjar vandaðar myndir fyrir allt að 15 eða 30 vörum eftir því sem við á sem birtast í netsölu í upphafi leigutímabils.

 

Skráning vara í sölurými í verslun

Farðu í Mitt svæði > Vörur > Bæta við vöru.

Skráðu lýsingu (t.d. “Svart COS pils”), verð ,bættu við mynd og veldu bókun (sölurými nr #)

Hér getur þú skráð að hámarki 40 vörur og á hvaða verði sem er ( ekkert lágmarksverð )

Nauðsynlegt er að vera búinn að skrá inn allar vörur áður en mætt er með þær í verslun.

ATHUGIÐ uppfærðar myndir og yfirferð á verðum er ekki innifalið eftir að leiga hefst í verslun en við mælum þó alltaf með að taka myndir af vörum með skráningum til að auka sölu. Leiga hefst í verslun að loknum 28 dögum í netsölu en vörur verða þó áfram til sölu á netinu allt leigutímabilið þitt í Lúxus leiðinni.

 

Afhending vara

Þú kemur með fyrstu 15 vörurnar í Þórunnartún 2, 105 Reykjavík á opnunartíma versluninnar daginn sem bókunin þín hefst. 

Mikilvægt: Merkja pokann með þínu nafni og Netsölurýmis númeri.

Auka vörur fyrir sölurými í verslun má koma með 28 dögum síðar, þ.e. þegar leiga á sölurými í verslun hefst á opnunar tíma Hringekjunnar.

 

Verðlagning á vörum í netrými

Þú setur inn þína verðhugmynd við skráningu á vörum í netrými og við förum yfir hana og höfum samband ef við erum með ábendingu um verðbreytingu.  

Afsláttur af vörum í netrými

Fyrir Lúxus leiðina er ekki gert ráð fyrir að leigutaki breyti sjálfur verði í netsölu þar sem það getur valdið því að uppfærðar myndir detti út. Ef leigutaki óskar eftir afslætti á sínum vörum í netsölunni getur hann haft samband við Hringekjuna á netsala@hringekjan.is og óskað eftir að afsláttur (15%–70%) verði settur á vörurnar.

 

Verðbreytingar og afsláttur á vörum í sölurými í verslun

Þér er frjálst að gera verðbreytingar á vöru hvenær sem er á meðan leigutímabili þínu stendur. Þú framkvæmir verðbreytingar með því að fara inn á "mínar síður" á hringekjan.is, ferð í "Products" og velur þá vöru sem þú ætlar að breyta verðinu á. Athugaðu að hvort sem nýr verðmiði er settur á vöru eða ekki mun nýja verðið skila sér til kaupanda.

Vegna þess að allar vörur eru merktar með strikamerki, lýsingu og verði þarf að prenta út nýjan miða og koma fyrir á vörunni svo rétt verð komi fram á merkingu. Þér er frjálst að koma hvenær sem er og fá nýjan miða til þess að koma fyrir á þinni vöru.

Kjósir þú að gefa afslátt af öllum vörum í þínusölurými á meðan leigutímabili stendur er best að hafa samband við okkur í gegnum gegnum facebook síðu okkar facebook.com/hringekjanverslun eða á netfangið verslun@hringekjan.is og við munum ganga frá því fyrir þig.

Ef þú ert með vöru sem þú vilt ekki setja á afslátt er þér frjálst að taka hana úr sölu áður en afsláttur er settur á.

 

Útborgun og bankaupplýsingar

Til þess að við getum greitt þér út þinn söluhagnað verður þú að skrá inn bankaupplýsingar.

Bankaupplýsingar má skrá með því að fara inn á notenda stillingar þínar á "mínar síður", smella á netfangið þitt og slá inn banka (bank), höfuðbók (ledger) og reikning (account) og við leggjum inn þinn söluhagnað að frádregni veltutengdri leigu (40%) inn á þinn reikning. Útborganir fara fram eftir klukkan 18:00 mánudaga og fimmtudaga eftir að vörur hafa verið sóttar.

Athugaðu að ekki er hægt að greiða út söluhagnað fyrr en bankaupplýsingar hafa verið skráðar inn.

 

Þínar sölur

Inni á "mínar síður" á hringekjan.is ættir þú að sjá "Sales" en þar undir munt þú sjá yfirlit yfir sölur úr þínu sölurými.

 

Lok leigutímabils

Að leigutímabili loknu hefur leigutaki til klukkan 12.00 að hádegi næsta dag til að sækja vörur sínar. Séu þær ekki sóttar innan þess dags tekur við geymslugjald næsta dag að upphæð 2.000 krónur á dag, í allt að 7 daga. Geymslugjaldið greiðist eftir að vörur hafa verið sóttar. Eftir 7 daga geymslutímabili loknu teljast vörurnar vera eign Hringekjunnar og verður séð til þess að þær verði endurnýttar eftir fremsta megni.

 

Ef þú hefur einhverjar spurningar, sendu okkur endilega línu á netsala@hringekjan.is – við erum hér til að aðstoða!

Kær kveðja,
Teymið í Hringekjunni