Á þeim nærri þremur árum frá því að Hringekjan opnaði hurðir sínar í janúar 2020 hefur hún verið gestgjafi reglulegra tónlistarviðburða undir nafninu Hringekjan Live Sessions. Á þessum stutta tíma hefur Hringekjan skapað svið fyrir fjölbreyttan hóp af glæsilegu listafólki, bæði innlendu og erlendu, og skapað einstakt tónlistarumhverfi fyrir borgarbúa og gesti. Öðruvísi tónlistar reynsla og nýsköpun hefur verið hugtakið á bak við þessa viðburði, og hefur orðið eitt af kennileitum verslunarinnar.
Nýlega hlaut Hringekjan úthlutun styrks frá Tækniþróunarsjóði Rannís, sem mun styðja við spennandi verkefni sem skoðar nýjar leiðir til að tengja saman tónlist, tæknina og samfélagið. Við í Hringekjunni erum virkilega ánægð með þessa viðurkenningu og vonumst til að geta breytt enn frekar út fagnaðarerindi tónlistar- og menningarlífs borgarinnar með þessum stuðningi frá Rannís, segir Davíð Örn Jóhannsson, annar eigandi Hringekjunnar.
Hringekjan er ekki aðeins vettvangur fyrir tónlist, heldur einnig umhverfisvæn hringrásarverslun með fatnað og fylgihluti sem býr til sérstakt samhengi milli tónlistar, hönnunnar, umhverfisvænnar starfsemi og samfélags. Við erum staðsett í hjarta Reykjavíkur, að Þórunnartúni 2, og bjóðum upp á hlýtt viðmót og notalegt umhverfi þar sem viðtakendur geta minnkað kolefnissporið og komið sínum ónotuðu fötum hring eftir hring og fengið hlutdeild af sölu. Á opnunarárinu 2021 hlutum við viðurkenningu sem besti nýkomandi í flokki Second-Hand verslana af Reykjavík Grapevine, en nú á árinu 2022 og 2023 höfum við með stolti hlotið titilinn sem Besta Second-Hand verslun Reykjavíkur, sem sýnir að erum lítil framtök eins og Hringekjan geta raunverulega haft áhrif á samfélagið.
Nú er kominn tími til að fagna þessum skemmtilega áfanga, og hvað gæti verið betra en að gera það með tónlist? Næstkomandi laugardag, 14. október, mun Hringekjan halda sína sextugustu tónleika í röðinni Hringekjan Live Sessions. Að þessu sinni er engin annar en Teitur Magnússon, sem fagnar þessum áfanga með okkur. Hann er ástríðufullur um vínylplötur og mun hann spila sínar uppáhalds plötur fyrir okkur á þessum skemmtilega degi, segir Jana Maren Óskarsdóttir, meðeigandi Hringekjunnar.
Hringekjan býður ykkur öll velkomin að fagna með sér á þessum viðburði en viðburðurinn verður frá 14:00-17:00 næstkomandi laugardag, 14. Október.
Við erum mjög spennt að taka á móti ykkur og skapa skemmtilega stund saman í Þórunnartúni 2.
